Aquí temos unha versión cinematográfica dun motivo tratado durante séculos pola arte europea: o que coñecemos por "Ecce homo", Xesús flaxelado, coa capa e a coroa de espiño, cando uns soldados o levan ante Poncio Pilatos e din: "ecce homo", "aquí está o home". Neste fotograma da película "A paixón de Cristo", de Mel Gibson, película certamente sanguenta, podemos ver a Pilatos sostendo o "titulus", a acusación que se cravará na cruz sobre a cabeza de Xesús, "Iesus Nazarenus rex Iudaeorum", "Xesús de Nazaret", rei dos xudeus, o famoso
INRI. Cando un neno chegaba á casa todo rabuñado, podía decirse "Pareces un eccehomo", aínda que é máis popular o de "Vés feito un Cristo".
